Faton Topalli i Partisë Socialdemokrate, Teuta Rugova dhe Ramiz Kelmendi nga Lidhja Demokratike e Kosovës janë tre deputetët e opozitës që munguan në seancën e thirrur nga partitë opozitare për miratimin e një rezolute që ndalon negocimin e korigjimit të kufijve në dialogun Kosovë-Serbi.

Shefi i Grupit Parlamentar të Lëvizjes Vetëvendosje, Glauk Konjufca, tha sot në një deklarim për media në hollin e Kuvendit se deputeti i PSD-së Faton Topalli ndodhet me pushime dhe për këtë nuk ka qenë në seancë.

Ndërkaq, Teuta Rugova e LDK-së është rreshtuar edhe dje në të njëjtin kah sikurse partitë e koalicionit.

Seanca e thirrur nga opozita është shtyrë për nesër, dhe do të nisë në ora 10:00.
Opozita nuk arriti të bëjë kuorumin për të votuar për rezolutën që ndalon negocimin për kufijtë në dialogun me Serbinë.

Seanca e jashtëzakonshme hyri në pauzë pasi në sallë ishin 59 deputetë, përfshirë disa deputetët të Nismës së Kosovës.